diocesedemahaginioka

EZITA OMU ELI TURU  ALO TI ADRO

NIRI NI YI OLUZU DIOCESE

MAHAGI-NIOKA NYAZURI

1912-2012

      Adro Ata amaniri la, ale mini dero piko ri si, Mi epe Mvi mini Yezu Kristu ma ti ama pazo pivoni ama ojazu anzi mini ru. Okpo Orindi Ala ri ni si, ama ojaru ada adaru mima anziru, tsa andro eli turu alo bho.

     Edhozu Sacramento alozu owile amavo eli kutu alo kama oromi modrini eri ri si, ama anzi diocese Mahagi-Nioka dhii ru, ama andro yiki tso mivo asi alo si ezita muke dhiri owizu : Ama mini awadhifo fe juru mini bha mini Odhuko Moke Pataa ni olupi dhii ma ti epezu amavo endri Aliria Maria ayia amani Africa driria ri si.

      Azi eyini  si, eli turu alo andru agapi dhii ma alea, Mi eto bha kakawu, oja eyi ma asi mi Mvi Yezu Kristu ma pamvo obizo. Bha dhi i ma eselea mi ope azini dhi i azi mini ngazu sile : episkoporu, padriru, mamaeyiru katekistaeyiru; azini dhii kakawu fe eyi ma edri azi mini ndondo dhii ngazu ; obi azita batisimo ni pivoni omveta eyi ni ma pamvo ra. Edyo dhi si, ama ovo ayikosi, ama omvi voni mini awadhifo juru.

       Awadhifo mini tutu mini yikile pivoni amama edri ojazu alaru Odhuko Moke Mi Mvi Yezu Kristu ni eji amani ri si. Awadhifo voni Mini fezo amani obhi onzi abhia azini dhii kuzo ri si. Etso tusu miniri bha woro ndra Odhuko Moke olupi dhii ma dria : Episkopo, padri, mama pivoni bha woro eyi ma azakopi era dhii bhe.

     Mi adyi diza mini ma alea bha woro eyi ma eselea odrapi bho dhi i pivoni eyi ma edri avipi tsandi amboro ma alea dhii :   esile Aba a, Mahagi a pivoni Biringi a dhii.

     Ama adyi mivo dika Opi, Eko ama aza ; Efe amani drileba omu eli turu alo Odhuko Muke mini ri ni efizo amavo dhiri nyazu enzisi. Ma aga onyiru tu aku amani ma alea ; dhini, azi Odjio alozu dhi i ni ma eburu muzu drile, ama ma fe voni ama ngulupi azi nderi ebuzo endi. Eko ama aza voni edyo woro amani ama fezo azi nderi ni korisi, ezata amani ndondo dhi i si, 

edyo onzi amani aku ambo mini ma zoza ombepriri si pivoni ogapi amani enyati anzi Adroni ri sizu kongolo ku ri si.

     Ezi azi onzi amani openduru nosiko edyo onzi edezaru dhi i woro : esile suru ndondo nguzu onzi, bha azini dhi i bhazu emunyale ru, eyi nguzu onzi, aribho nguzu onzi, yiki esele tsoza ni, ava bha alo alo ni asizo yisi adhule, asi ombezu tsi, bha azini dhi i edezu ede, yiki onzi bhazo bha azini dhi i ma dria, vini asi onzi bhazu bha azi ma dria.

     Opi, Ama zi mi tia dika, Efe eli turu alu derupi dhii ma zi geriko tokoni odhi pivoni ma ko ama ma aza okpo odhi esuzu edhozo embata amani esule bhori si, dhini ama ma adri ani diza emve ri ma alea bheni.

            Efe amani adrizo enyati Mini ma alea asi mbo si pivoni ti alo si enyati nderi ma alea, bha woro ni esuruzo, onzi zizo, leruzo, edyo worodyezo tualo, zozu tualo.

     Efe Odhuko moke mini ma fi adriza amani ma alea pivoni adriza amani ma fu dri Odhuko Moke mini bhe, ma fe ama etsa ani christiani Africa a ada dhi i ru.

     Efe Ti Odhuko Moke olule amavo ava woro si dhiri ma odza ama ma edri teketeke pivoni edri amani nyakua dhoari ma ovo ayikoro esile bhua ri le bheni.

      Ama Pataa adyi mivo, Opi, adhusiko lete edyo woro Mini dhi i ma sopa kirikiri esuti amadri Eklezia mini Alo, Alatara, Katholiko, Apostoliko ru dhiri ma alea.

Aliria Maria Alaro, Ayia Africa dri, mi ezi amani !

Martiro Uganda dri Alaro dhi i, emi ezi amani!

Josephina Bakhita Alaro, mi ezi amani!

Ayikoro Marie Clémentine Anuarite, mi ezi amani!

Ayikoa Isidore Bakanja, mi ezi amani!

Ayikoa François Spoto, mi ezi amani!

« Repartons du Christ,

Unique  Sauveur »